Trening etter koronasjukdom

Idrettens helsesenter og og Medisinsk råd i NFF har utarbeidd råd for trening ved covid-19-sjukdom. Råda bygger på Olympiatoppens retningsliner for trening etter smitte eller infeksjon.

Fagfolka tilrår at retur til trening bør skje i to trinn, og ei gradvis gjenopptaking av treninga etter å ha vore sjuk med covid-19-viruset. Før ein går i gang er rådet å gjennomføre ein treningstest, som inneber 10 minutt trening på 70 prosent av normal treningsintensitet. Dersom denne går bra, kan ein auke til ein halvtime, så 45-60 minutt og deretter auke intensiteten. Tidlegast på dag fire - om alt har gått bra - kan ein gå i gang med normal trening. Som ein tommelfingerregel bør ein bruke like mange dagar på å bygge opp treningsmengda til normalen som talet dagar du har vore ute av trening.

LES HEILE NYHEITSSAKA MED ALLE RÅDA HOS FOTBALL.NO.